കേരളത്തിന്റെ ഉപഭോക്‌തൃ സംസ്കാരം വലിയ മാറ്റത്തിന്റെ പാതയിലാണ്. ഗുണമേന്മക്ക് പ്രാധാന്യം നൽകാതെ വിലകുറഞ്ഞതെന്തും വാങ്ങിക്കൂട്ടുന്ന ശീലത്തിന് അറുതി വന്നുകഴിഞ്ഞു. പായ്ക്ക് ചെയ്യ്തഭക്ഷണ പദാര്ഥങ്ങളിലും ശീതള പാനീയങ്ങളിലും പഴം പച്ചക്കറികളിലും പാലിൽ പോലുമുള്ള മാരകമായ രാസ പദാർത്ഥങ്ങളെ സംബന്ധിച്ചു വലിയ അവബോധം മലയാളിയിലുണ്ടായിരുന്നു. ഉത്പന്നങ്ങളിലെ ചേരുവകളും ഉപയോഗിച്ചിരിക്കുന്ന പ്രെസെർവേറ്റീവുകളും കാലാവധിയും ന്യൂട്രിഷൻ ഫാക്ട് പോലും കൃത്യമായി മനസിലാക്കാൻ ശ്രെമിക്കുന്ന പുതിയ വാങ്ങൽ സംസ്കാരം രൂപപ്പെട്ടിരിക്കുന്നു. വഴിയോരങ്ങളിലുള്ള ചെറിയ നാടൻ ഭക്ഷണശാലകളുടെ മുന്നിൽ മുന്തിയ ആഡംബര വാഹനങ്ങളുടെ നീണ്ടനിരകൾ വീട്ടിലെ ഊണ് എന്ന ബോർഡ് കണ്ട കയറിയാൽ സീറ്റ് കിട്ടാൻ പ്രയാസമാണ്. നാടൻ എന്ന വാക്ക് ഗുണമേന്മയുടെ പര്യായമായി മാറിക്കഴിഞ്ഞു. ഈ മാറ്റത്തിൽ നിന്നും പുതിയ നിരവധി സംരംഭക സാദ്ധ്യതകൾ ഉടലെടുക്കുന്നുണ്ട്.
സാദ്ധ്യതകൾ
കേരളത്തിലെ ശീതള പാനീയ വിപണി മറ്റ് സംസ്ഥാനങ്ങളെ അപേക്ഷിച്ചു വളരെ വലുതാണ്. ഗ്രാമങ്ങളിലെ പെട്ടിക്കടകളിൽ പോലും തണുപ്പിച്ച പാനീയങ്ങൾ ലഭിക്കും. വലിയ പരസ്യങ്ങൾ കന്പനികൾ നൽകുന്നുണ്ടെങ്കിലും കടുത്ത നിറങ്ങളിൽ പായ്ക്ക് ചെയ്ത് വരുന്ന ശീതള പാനീയങ്ങളിൽ നിന്നും ജനങ്ങൾ അകന്നു കഴിഞ്ഞു. ഈ രംഗത്തെ പുതിയ തരംഗം പഴച്ചാറുകളാണ്,പ്രിസർവേറ്റീവ്‌സ് ചേർക്കാതെ തനത് രുചിയിൽ ലഭിക്കുന്ന പഴച്ചാറുകൾക്ക് വലിയ വിപണിയുണ്ട്. വളരെ കുറഞ്ഞ മുതൽ മുടക്കിൽ കുടുംബ സംരംഭമായി ആരംഭിക്കാവുന്ന ഹണി ഗ്രേപ്പ് എന്ന സംരംഭത്തെ പരിചയപ്പെടുത്തുകയാണ്.
ഹണിഗ്രേപ്പ്
മുന്തിരി ചേർത്തുള്ള ശീതളപാനീയങ്ങൾ പണ്ട് കാലം മുതൽക്കേ മലയാളികൾ ഉപയോഗിക്കുന്നുണ്ട്. ഫ്രഷ് ജ്യൂസ് ആയും ഫ്‌ലവേറുകൾ ഉപയോഗിച്ച് നിർമിക്കുന്ന കോളകളിലും മുന്തിരിക്ക് പ്രഥമ സ്ഥാനം ലഭിച്ചിരിക്കുന്നു. നിലവിൽ ബേക്കറികളിലും ജ്യൂസ് കൗണ്ടറുകളിലും ജ്യൂസറുപയോഗിച്ചു മുന്തിരി ഫ്രഷായി ജ്യൂസ് അടിച്ചു നൽകുന്നതാണ് രീതി. ഈ രീതിയിൽ പല പോരായ്മകളും നേരിടുന്നുണ്ട്. കേരളത്തിൽ ലഭ്യമായ മുന്തിരിയിൽ മാരകമായ വിഷാംശം നീക്കം ചെയ്യുന്നതിന് ശാസ്ത്രീയമായി നിർമ്മിക്കുന്ന പെസ്റ്റിസൈഡ്സ് റിമൂവിങ് രീതികൾ അവലംബിക്കേണ്ടതുണ്ട്. ഇതിനുള്ള സംവിധാനം ഫ്രഷ് ജ്യൂസ് കൗണ്ടറുകളിൽ ലഭ്യമല്ല. കൂടാതെ വൈധ്യുതി ലഭ്യമാകാത്ത സമയങ്ങളിലൊന്നും ഫ്രഷ് ജ്യൂസ് നിർമ്മാണം സാധ്യമാവുകയില്ല. മറ്റൊന്ന് ഇതിനായി ഒരു ജോലിക്കാരനെ നിയമിക്കേണ്ടിവരുന്നു എന്നുള്ളതാണ് . ഇത്തരം പോരായ്മകളെല്ലാം ശാസ്ത്രീയമായി നിർമിക്കുന്ന പഴച്ചാറുകളിലൂടെ പരിഹരിക്കാൻ സാധിക്കും.
വിഷാംശം നീക്കം ചെയുന്നത്തിനുള്ള സംസ്‌കരണ പ്രക്രിയ പൂർത്തിയാക്കിയ ശേഷം തൊലിയും കുരുവും നീക്കം ചെയ്യ്ത മുന്തിരിയിൽ നിശ്ചിത അളവ് പഞ്ചസാരയും തേനും ചേർത്താണ് ഹണി ഗ്രേപ്പ് നിർമിക്കുന്നത്. 5 ലിറ്ററിന്റെ ഫുഡ് ഗ്രേഡ് കണ്ടെയ്നറുകളിൽ നിറച്ചു വില്പനകേന്ദ്രങ്ങളിൽ എത്തിക്കുന്നു. കച്ചവടക്കാർ 250 എം ൽ വീതം ഗ്ലാസുകളിൽ പകർന്ന് ഉപഭോക്താവിന് നൽകുന്നു.അടുത്തദിവസം ടി കണ്ടെയ്നറുകളിൽ തിരിച്ചെടുത്തു നിറച്ചു കച്ചവടക്കാർക്കും നല്കുന്നു.
മുന്തിരി , പപ്പായ,ഓറഞ്ച് , നെല്ലിക്ക, ചെങ്കദളി തുടങ്ങിയ പഴങ്ങളെല്ലാം പഴച്ചാറുകളായി മാർക്കറ്റ് ചെയ്‌യാം. ഇവയെല്ലാം നമ്മുടെ നാട്ടിൽ സുലഭമായി ലഭ്യമായ പഴങ്ങളാണ്.
കുടുംബസംരംഭം
പഴച്ചാറുകളുടെ നിർമ്മാണവും വിപണനവും കുടുംബ സംരംഭമായി മുന്നോട്ട് കൊണ്ടുപോകാവുന്ന ലാഭകരമായ ബിസിനസ്സാണ്. പരമാവധി മുതൽ മുടക്ക് 25000 രൂപയിൽ താഴെ. വലിയ സംകൃതിക വിദ്യയോ വലിയ മെഷീനറികളോ മാർക്കറ്റിംഗ് തന്ത്രങ്ങളോ ഒന്നും ഈ വ്യവസായത്തിന് ആവശ്യമില്ല. കുടുംബാങ്ങങ്ങളുടെയോ അയൽപക്കത്തുള്ള സ്ത്രീകളുടെയോ സഹായത്തോടെ ഈ സംരംഭം മുന്നോട് കൊണ്ടുപോകാം.
മാർക്കറ്റിംഗ്
സംരംഭകന്റെ താമസസ്ഥലത് തൊട്ടടുത്തുള്ള ചെറുനഗരങ്ങളെ കേന്ദ്രികരിച്ചു ബേക്കറികളും ജ്യൂസ് കടകളുമായി ഇരുപത്തിയഞ്ച് വില്പനകേന്ദ്രങ്ങൾ കണ്ടെത്തുക.. ടി സ്ഥാപനങ്ങൾ സാമ്പിൾ ഉത്പന്നം നിർമിച്ചു നൽകി സ്ഥിരമായി സപ്ലൈ ചെയ്യുന്നതിന് കരാറുണ്ടാക്കും. എല്ലാ ദിവസവും വൈകുന്നേരം 8 മണിയോടെ ടി വില്പന കേന്ദ്രങ്ങളുമായി ബന്ധപ്പെട്ട അടുത്ത ദിവസം എത്രാലിറ്റർ ഉത്പന്നം ആവശ്യമുണ്ട് എന്ന ഓർഡർ എടുക്കുക. ഓർഡറിനോട് അനുസൃതമായ പഴച്ചാർ പുലർച്ചെ നിർമിച്ചു രാവിലെ 10 മണിക്ക് മുന്പായി വില്പന കേന്ദ്രങ്ങളിൽ എത്തിച്ചു നൽകുന്നത്. കൂടാതെ കാറ്ററിംഗ് സെർവീസുകൾ ഓഡിറ്റോറിയം ഉള്ള ഹോട്ടലുകൾ വിദ്യാഭ്യാസ സ്ഥാപനങ്ങളുടെ കാന്റീനുകൾ തുടങ്ങിയവയെല്ലാം മാർക്കറ്റിംഗ് സാദ്ധ്യതകൾ നിലനിൽക്കുന്നുണ്ട്, ഉല്പന്നത്തിന്റെ സാനിധ്യം തിരിച്ചറിയാൻ ചെറിയ പോസ്റ്റർ വില്പനകേന്ദ്രത്തിൽ പതിക്കുന്നത് നന്നായിരിക്കും.
സാങ്കേതികവിദ്യയും പരിശീലനവും
ഹണി ഗ്രേപ്പ് , നെല്ലിക്ക സിറപ്പ് , പപ്പയെ പൾപ്പി തുടങ്ങിയ പഴച്ചാറുകൾ നിർമ്മിച്ചു വിപണനം നടത്തുന്നതിനുള്ള സാങ്കേതിക വിദ്യയും പരിശീലനവും കാർഷിക വിളകളിൽ നിന്നും മൂല്യവർധിത ഉത്പന്നങ്ങൾ വികസിപ്പിച്ചെടുക്കുന്നതിനായി പ്രവർത്തിക്കുന്ന കേരള അഗ്രിക്കൾച്ചർ ആൻഡ് വാല്യൂ അഡ്ഡഡ് പ്രോഡക്റ്റ് റിസർച്ച് ടെവേലോപ്മെന്റ്റ് സെന്റര് ൽ നിന്നും ലഭ്യമാണ്. നിർമ്മാണം പായ്ക്കിങ് അസംസ്കൃത വസ്തുക്കൾ വിലനിർണ്ണയം , സൂക്ഷിക്കുന്ന രീതി,എന്നി വിഷയങ്ങളിലെല്ലാം വിദഗ്‌ധമായി പരിശീലനം ലഭ്യമാണ്. ഫോൺ: 04852242410.
മൂലധന നിക്ഷേപം
- പാത്രങ്ങൾ, മിക്‌സി അനുബന്ധ ഉപകരണങ്ങൾ = 10000
- പരിശീലനം,സാങ്കേതിക വിദ്യ = 5000
- കണ്ടെയ്നർ മറ്റ് ഇതര ചിലവുകൾ = 5000
ആകെ = 20,000
പ്രവർത്തന ചിലവുകൾ
(പ്രതിദിനം 100 ലിറ്റർ ഹണി ഗ്രേപ്പ് നിർമിച്ചു വിതരണം നടത്തുന്നതിനുള്ള ചിലവ്)
- അസംസ്കൃത വസ്തുക്കൾ മുന്തിരി,പഞ്ചസാര, തേൻ = 1500
- തൊഴിലാളികളുടെ വേതനം = 900
- എൽ പി ജി ഗ്യാസ് = 100
- വിതരണ ചിലവ് = 500
ആകെ =3000
വരവ്
പ്രതിദിനം 100 ലിറ്റർ ഹണി ഗ്രേപ്പ് നിർമിച്ചു വിതരണം നടത്തുന്പോൾ ലഭിക്കുന്നത്.
4 *30 =120
വില്പനക്കാർക്ക് നല്‌കുന്ന വില (1 ലിറ്റർ 60 രൂപ നിരക്കിൽ )100 *60 = 6000
പ്രതിദിന ലാഭം
വരവ് = 6000
ചിലവ് = 3000
ലാഭം = 3000
ഒരു മാസത്തെ ലാഭം
(24 ദിവസം പ്രവർത്തനം നടന്നാൽ ലഭിക്കുന്നത് )
24 * 3000 = 72,000
ലൈസൻസുകൾ
ഭക്ഷ്യ സുരക്ഷാ വിഭാഗത്തിന്റെ രജിസ്ട്രേഷനാണ് ഈ സംരംഭത്തിന് ആവശ്യമായുള്ളതാണ്.കണ്ടെയ്നറുകൾ പത്രങ്ങൾ ക്ലീനാക്കി സൂക്ഷിക്കുന്നതിൽ നിതാന്ത ജാഗ്രത പുലർത്തണം..